Pu Seiboi Singsit IFS
Pu Seiboi Singsit hi Pakai kum 1948, April 2016 in Tongkai Christian Village Sadar Hills a ana piengin ahi. Apa min chu (L) Pu Lalkhapao Singsit , anu min chu (L) Pi Jamhoi Singsit ahi. Apa chu Ayapurel gam a Evangelist le Techer a ana pangin hinla Baptist Missionary hon Manipur adalhah phat un Govt. School a oja in ana pangin ahi. Kum 1951 a pat nin apa Keithelmanbi M.E. School a apan na muna anacheng un ahi.
Keithelmanbi M.E. School ajo in Motbung High School a class – X (HSLC) gei anachai jin ahi. Chu jouvin St. Edmund’s College, Shillong a PUC (Sc.) ana chaijin chule 1970 kum in DM College, Gauhati University noija B.Sc. Distinction in passed anahi. Ama hi football peh them tah ana hi. Manipur School XI a jong a jong selection ana mu ahi.
Keithelmanbi a Junior High School ahin phut un, kum 2 apang in ahi. Hiche sung hin Kuki Chief Zonal Council asem un sadar Hills Autonomous Council delna a General Secretary in ana pange. Pu mangpithang Kipgen le Pu S.L.Paosei toh Delhi a Mr. K.C. Pant Union Home Minister kom a ana che un. Chule 1971 kum in Sadar Hills Autonomous District ana deldoh un ahi.
1972 kum in Madras Christian College, Tambaram a M.Sc. ana sim in. 1974 in ahin chai jin ahi. Kum 3 Keithelmanbi High School semna a phat amang in ahi. 1977 kum in Indian Forest Service, UPSC exam a ana mun ahi. Probationary period akichai jin Manipur Cadre amun, Manipur Govt. na Forest Deptt. a ana tongin ahi. DFO/Jiribam, Chandel, Social Forestry a posting ana hin. 1990 kum in Conservator of Forests a ana kaisang in ahi. 1993 kum in Chief Conservator of Forest in ana kaisang kit in ahi.1989 kum in lha 3 jen Oxford Forestry Institute, Oxford, England gam a Specialist Social Forestry course a deploma ana lan ahi. Chule 1992 kum in UNEP course a, TUFT’s University, Boston USA a post graduate course on Environmental Management a degree ana la kit in ahi.
1999 kum in Indian Council of Forestry & Education, Dehradun, Govt. of India noija deputation in ana chen. Deputy Director General (Extension & Research) na anatong in ahi. Ana toh ahoi jeh in Govt. of India in Director of Wildlife Institute of India jong ana pohtha sah in ahi.
Pu Seiboi Singsit in Govt. na atoh petna akhol jinna chule India thalheng a achena ho chu:
1. Research collaboration with USA – Washington DC, California, North & South Carolina, Syracuse University, Hawaiin University, Honolulu, University of Kuai, Big Island, Hawaii.
2. International Symposium on Social Ferestry at University of Edinburgh, Scotland UK.
3. World Park’s Congress, Durban, South Africa
4. Wildlife Education Participation at Kabul, Afghanistan.
5. UNESCO’s Park conference at Kathmandu, Nepal.
6. International Symposium on Antlered deer at Khao Khew Open Zoo, Chonbury, Thailand.
7. Studies of Bamboo products in China.
8. Agro-Forestry studies in Germany, France, Switzerland, Belgium, Luxemburg etc.
Pu Seiboi Singsit in 1981 kum in Pi Hatnu Singsit, (L) Pu Mangsoi Lengen chanu toh anan kicheng lhonin ahi. Chapa ni le chanu ni anei lhonin hinla vangset umtah in achanu a lenpen, Ms. Deborah Chinneilhing Singsit chu kum 2010 in Delhi a Ph. D. Thesis asut laijin heart attck a hinkho ana bei tai.
Deputation a ahung kile kum 2014 in Addl. PCCF in promotion amun chule hiche kum ma ma in Principal Chief Conservator of Forests, Manipur in promotion anamun ahi. Ama PCCF hipet nin Research boltoh ahin thon, 2019 kum in FRI Deemed University noi a Ph.D anamun ahi. 2011 Feb. 28 nin Superannuation in PPCF & HOFF a pension anache in ahi. Singsit chule Thadou insunga IFS mu masapen chule tahsanna lentah anei jeh in Manipur Public Service Commission a Chairman nin ana pansah un ahi. Ama Chairman ahi a patnin MPSC chu asutheng in kituptah in exam ho conduct abollun MCS, MPS, MFS, Jr. MCS etc. ho appointment ana umthei jin ahi. Govt. Rule dungjui jin akum alhin phat in 2013 March lha in MPSC a Chairman anahi na konin jong ana kicholdo tan ahi. Tuni geijin Manipur Govt. Amang cha jingin Chairman, Tribal Peace & Harmony Committee chule Chairman, Selection Committee of Tribal Research Scholars ho a amangcha jing nalai jin ahi.
