Senvon kho a Pathen thu ahunglut kipat dan.
*PU WATKIN R. ROBERT in Senvon haosa Pu Kamkholun Singson chu JOHN sut kipana thuphabu ahin thot nin, Pathen lhagao theng in Pu Kamkholun lungthim sunga na atongin, Pathen thu chu ahechen nomtan Pu Watkin R. Robert chu amatah Senvon kho achu hunga Pathen thu chu hunghil chen dingin akou tan ahi.
*Pu Kamkholun haosatna Senvon kho chu inn 300 ho ahi. *Kum 1910 kumbul chun Pu Watkin R. Robert chu Senvon kho a cheding in akigotan ahi. Pu Thangkai le Lungpao teni akipui in January 31 in Aizawl adalha tan ahi. February lhabul (5?) In Senvon kho agalhung taovin ahi. Pu Watkin R. Robert chun John sut kipana thupha 3:16 chu asimin, Lailak zawlah akikhom un, Dulien paovin Pathen thu aseijin ahi. Jesu Christa huhhingna thupha chu Pu Kamkholun chun akisan tan khuosung mi tamtah injong akisan taovin ahi. Hitichun Pathen Lhagao theng in na ahin tongin Hmar gam hole eimi gamho jouse, India gamsung mun chom chom ho ah JESU CHRISTAN lalna achang tan ahi.
*Pu Watkin R. Robert hin kipaman Lallukhuh sanding houlheh inte..
Senvon Haosa Pu KAMKHOLUN hinkhuo thusim chomlam (June 12,1860 - Feb 01,1920)
*Pu Kamkholun Singson hi eiju Singsit insunga Jangmang insunga hungseilen in1892 kum in Senvon (Leiri kho) haosa in anapangin ahi.
*Senvon haosa ahinpoh dan - Hiche phat laichun Singson ho miphabep le Leiri pahnam (phung) inn 30 tobang chu Cachar gamsung le Songsang gam gi holah a anacheng khomun, Leiri pahnam hochun Senvon kho chu asatnun, kho chu alo taovin ahi. Khosung vaihom ding le gal masanga lamkaiding mihangsan le mifel ahinngaicha taovin. Leiri pahnam hochun pasal hangsan Singson sunga amin (Gopi) Ropui chu Senvon kho haosa dingin akoijun ahi. (Gopi) ahungthi phatchun agoulo ding chapa aneilou jeh in Gopi anu chun Senvon kho a haosa podingin a vaihom holah a afelpen le atahsan pen Pu Kamkholun Singson chu Senvon Haosa dingin anganse tan ahi.
*Pu Kamkholun Singson hin chapa 3 le chunu 3 aneijin, achate minho chu -
I.Lienkhopao (chehkang)Singson
II. Kimkhonieng
III.Mangkhotinseh (Sehpu) Singson
IV.Ti ngkhonieng
V. Kimkhoting
VI. Hmangthuop Singson
*Pu Kamkholun Singson hi vaihomthem tah le miching tah anahi. Achapa Mangkhotinseh (Sehpu) hi Lungthulen kho ah chule Hmangthuop hi Rawvakawt kho ah aumsah in, khosunga vai anahomsah in ahi. Boina lenjep ho, tuoltha le ajatchom hochu Senvon kho ah thu atanjin ahi. Achapa tahpen Lienkhopao (Chehkang) hi inpi lo in Senvon kho ah aumsah in ahi. Lienkhopao (Chehkang) hi First World War achu France a 'Indian Labour Crops' a anapangin, Havilder chan ana kaipha in ahi. 'Havilder Chehkang' tia het anahi. Hiti chun Pu Kamkholun Singson hi michingtah anahijeh chun British government het ahung hitan, nisim 07-01-1906 chun British government khela Manipur a um Political Agent Major J. Shakespear in gam le go hetpehna (Gam Patta) anape in "Daidawkawna konin Rallawn lui zuisuh intin Tuibum vadung chan, Tuibum vadung akonin Tuivai vadung, Tuivai akonin Tuiluong ah, Tuiluong akonin Hmarcha vadungso chan, Hmarcha vadung kaltouin Daidawkawnah" ti in gam anape in ahi.
*Aban ban na Senvon Haosa ho -
I.Pu Kamkholun Singson
II.Pu Lienkhopao (Chehkang) Singson
III. Pu Upa Lunkhopao Singson
IV. Pu Upa Paolienmang Singson.
*Achai nadingin Senvon Haosa ho thusim he ium ule anakiti jeh achu kei injong kahet khamkham kahin jih ahi.
Senvon Gospel Centenary Celebration Souvenir 1910-2010.
Hmar paova konna Thadou pao a achomthei pena kahin tahlang ahie.
Keima Senvon Haosa Upa Lunkhopao Singson atunu Mrs. Chonghoi Singson, w/o T. S. Agou Singson.
Sutkhel bolkhel aum le ngaidam.
