Pu Ngulhao Thomsong
Pu Ngulhao hinkho thusim chomcha anaveute.
Imajouse iboltheinao mite iphahnaohi Pu Ngulhao Thomsong jeh a kon ahi tihi lekhabu tamtah a akimun ahi. Pu Ngulhao hi 1891. Kumma Nagahills gam Henima(Huatening) kho a anapengin ahi. Ama kum7 alhinna Anu Apan anadalhah ahitan ahi. 1900 kumin Kohima Mission School a lekha simjomdin anachen ahi. Hichepet ahi Pu Ngulhao hin pathen anahounailou ahin Jorhat aumsungin Pathen tahsanna ahinneipannin ahi. Ahinlah tahsa dammojeh in Kohima ahungkilekittai. 1908 January 20ni in Baptize ma achangin ahi. Amahi Manipur le Nagaland sunga eimite lah a christian masapen ahin ahi. Pu Ngulhao Thomsong hin 7/may/1910 kummin Manipur gamma kum2 pathen thu seijin anavahlen ahi. Chujouvin (Sirhima) kho a Houbung masapen anaphutdoh in ahi. 1915 kummin Sirhima Haosapu chanu - Chinkhokim toh pathen maile mipi maijin Houdanthenin kichenna aneilhonin ahi. Chapa 3 le Chanu 3 aneilhonnin ahi. Chun 1st World War a (France) gamma - Labour Corps"ding British ten anaholnaovachun anakipedoh in ahi. Labour Corps" a anatohsunga chun ' British lengpa- George vi. Akimupin hichun lengpan kipa thilpeh in Bible khat le Ponsil humpi pollapol anapen ahi. 1919-kumin India ahungkinunglen ' Head Clerk na atongin Govt na atoh kumkhat alhinjouvin Pathen thuseijin" Ukhur le Chandel Dist. Gam langah kum phabep pathen na anatongin ahi. Pathen thu aseipummin June/2/1921.Kumin Kangpokpi Mission School" a Teacher Mihillin apangin ahi. Pu Ngulhao Thomsong hi lekhathemtah le paole ham themtah anahin ahin aman pao anahet hochu.
(1)English.
(2)Hindi.
(3)Bengali.
(4)Nepali.
(5)Assamese.
(6)Angami.
(7)Rongmei.
(8)Meitei.
(9)Annal.
Hicheng paohi hoitah a anahet le anathothei amapao banga anahet ahin ahi. Chule Jih jong ajihtheisohye. Aman Class 8 asimkumin jong BA ho sangin jong Paole hao anathemjon ahi. 1922-kuma patchun Thadou chate ding anam mite dinga khantou nathei lekhabu Semna lama ahinkho ahin mange.
1922- kumin Pathen LA " pu Seilet Singson, pu Longkhobel kilong, pu Helkhup chongloi, pu Pakho sitlhou, pu Teba kilong, hocheng toh kithokhommin LA anasemdoh un ahi. 1924-kumin" thukidong le kidonbut LA anajih in ahi. Chujouvin Pu Ngulhao Thomsong" in 1925-kumin John sut kipanathupha. Thadou paovin analehdoh in ahi. 1927-kumin lekhabul anasemdoh kit in tuchannin Ngulhao lekhabu tin akihedenin ahi. Chujouvin Kitepna thah(New Testament) Dr G G Crozier, toh kithon analedoh kit in ahi. Hitia lekhabu aledoh hochu pathen thu le LA ngen ahin ahi. Aman lekhabul anasem ho chu ipu ipateuvin anasimmun hiche apatchun Bible asimthei un' pathen thu ahin heuvin hiche apat achu pathen thu hi eimite lah a hungkiphonga tuchanna ikhantoupi jingu ahin ahi. Pu Ngulhao Thomsong" hi (Father of the Thadou-Kuki Literature) jong ahi. Baptize achanna konna akisimmin TBA houbung honjong Centenary amangtaovin ahi. Pu Ngulhao Thomsong in' Pathen natohna leh themjilna lama lentah anatohdohjouvin am kum 59- alhinnin" Hafflong Songpijang, kho a 1945-kuma ahinkho anabeitan ahi.
Hichehi Pu Ngulhao hinkho thumsim chomcha ahin amajalla eimihon mihobang iphahtheiju amajalla misanga chungnunna tampi ineitheiju chule mi iphahtheinao jong ahin ahi. Sutkhel aumle pathen minnin kingaidammute.
Kakipah e.
Paominlal singson
